అలలవాకిట

నీ ఒడిన సవ్వడి చేసిన ఆ వెన్నెల రేయి

ఏ సడీ లేని ఈ చీకటి రాత్రుళ్ళ ని

తన నీడల వెలుగుల ఊయలలో

ఇంకా ఊరడిస్తూనే ఉంది

ఉదయిస్తున్న ఏ వేకువన

నువ్వు ఎదురొస్తావో ఎరుగని

నా హృదయం ప్రతీ ఉదయానికి

తన హృదయాన్ని అర్పిస్తూనే ఉంది

నింగివైన నీవు నేలకి రాలేకున్నా

మేరువై నే నిను చేరలేకున్నా

అనంతమై నువ్వు కానుకిచ్చిన

ప్రేమ వర్షం ఎద సంద్రపు అలపై

తరగని కాంతిదివ్వెగా వెలుగిస్తూనే ఉంది

అలలవాకిట నిల్చిన  కలలతీరానికి

దారి చూపుతోనే ఉంది