ఏమని అడగను
నువ్వు కనుల ముందు ఉన్న క్షణాన
ఏమని అడగను
ఏది కోరను
తెలియపరచవా నాకు
నీ పదములని తాకి పరవశమొందే
ధూళినవ్వాలని అడగనా
నీ పెదవిని తాకి పలకరించే
మోవి నవ్వాలని కోరనా
నీ కన్నుల మెరిసే
కాంతినవ్వాలని అడగనా
నీ మోమున విరిసే
చిరునవ్వుల మెరుపనవ్వాలని కోరనా
నీ మనసున మెదిలే
మమతనవ్వాలని అడగనా
నీ హృదిని తాకే
జ్ఞాపకమవ్వాలని కోరనా
నీ ఎదని తట్టే లయనవ్వాలని అడగనా
నీ శ్వాసన మెదిలే మౌనమవ్వాలని కోరనా
ఏమని అడగను ప్రభూ !
ఏది కోరను
నువ్వు నా కనుల ముందు ఉన్న క్షణాన ...
తెలియపరచవా ఇంకొక్కసారి
నిలువెల్ల నీ ధ్యానంలో
మునిగే విరహం కన్నా
వీటిలొ
ఏది మిన్న ప్రభూ !
No comments:
Post a Comment