మధురగీతమేదో ....

 

 

 మధురగీతమేదో  మదిని మీటింది

 వేణుగానం నా హృదిని నింపింది

 

 అమృతరాగమేదో అవనిని తాకింది

 చుక్కలదీపం నాకై వెలుగునంపింది

 

 రెక్కలపావురమేదో కబురు తెచ్చింది
 వేచిన విరహం నాపై  అలిగిపోయింది

నీ అడుగులసవ్వడి

నా మనసున నడిచింది

నీ పిలుపుల అల్లరి

నా మదిన పలికింది
నీ చల్లని స్పర్శ

నా మేనిన వెన్నెల నద్దింది 

 

నా కంటిన కదలిన కలని
నా కనుల నింపుటకు

నే కనులు తెరిచేసరికి

కనులు కందని కలవైనావు

కనుల దాటి కరిగిపోయావు