వస్తావని తెలుసు

వస్తావని తెలుసు

అందుకే చూస్తున్నాను

కలలన్నీ కలబోసి

మాటలన్నీ మౌనం చేసి

గుమ్మం ముందే నిలుచున్నాను

నాకేం తెలుసు

నాకై నీవెప్పుడో 

నా హృదయంలో వేచి వున్నావని

చూసి చూసి నిష్క్రమించావని

తెలిసి నే తిరిగి చూసేసరికి

తిమిరమే మిగిలింది నాకు

తెలిసి నే తిరిగి చూసేసరికి

తిరిగి రాని తరంగమైనావు

మరపురాని మధురబాధ

మరువనివ్వనంటోంది

మరలిరాని నాప్రేమ

మరల నేల వ్రాలింది