ఎవరూ లేని ఏకాంత సీమలో
ఉవ్వెత్తున లేచిన ప్రేమకెరటం
నీ మౌనం
ఎవరూ లేని ఏకాంతసీమలో
అంతా తానై నాలో నిండిన వేదం
నీ మౌనం
ఎవరూలేని ఏకాంత సీమలో
ఒలుకుతున్న మధురనాదం
నీ మౌనం
ఎవరూ లేని ఏకాంతసీమలో
నన్నొంటరిని చేసిన గానం
నీ మౌనం
ఎవరూలేని ఏకాంతసీమలో
నిట్టూర్పుని తాకుతున్న ఓదార్పు
నీ మౌనం
ఎవరూ లేని ఏకాంతసీమలో
ఎదురుచూపును ఎదనుమోస్తున్న కాలం
నీ మౌనం
ఎవరూ లేని ఏకాంతసీమలో
నాలోని నేను నీవే అన్న నేస్తం
నీ మౌనం
ఎవరూ లేని ఏకాంతసీమలో
నన్ను నీలోకి తీసుకుంటున్న మౌనం
నీ మౌనం
అది
ఎన్నటికీ ఎడబాయని వేణుగానం
విరహమెరుగని మౌనసంగమం