అదెలా ?

నీకై వెన్నెల రాదారి వేసి
చుక్కల పందిరి లో నే కాచుకున్నాను

సంతోషాల తోరణాలు కట్టి
గడప ముంగిటే నే వేచి ఉన్నాను

ప్రాణ దీపాన్ని హారతి చేసి
ముంగిట్లో నే చూస్తున్నాను

హృదయనివేదన సిద్ధం చేసి
అటు ఇటు  తిరుగాడుతున్నాను
ప్రభూ !
నీ రాక తెలిపే సంకేతం నాకే సందేశాన్నించ్చిందో తెలుసా !

నీవు ఇక రావని
నిన్ను మరువమని
నిన్ను మరువడమా
అదెలా ?
నీ ధ్యాసలో నన్ను నేను మరువగలను కానీ
నిన్ను మరిచేదెలా ?
అయినా
నీ నిరాకరణలోనైనా
నే నీకు తలపుకొచ్చానన్న భావన నాకు చాలదా ప్రభూ !
మరిన్ని యుగాలు నీకై వేచి చూసేందుకు .........