నను వీడి మాయమయ్యావు.

ఎప్పటిది ప్రభూ !
ఈ నిరీక్షణ ..
ఇప్పటిదా ...
ఇలకి వచ్చిన మరుక్షణం మొదలైంది
ఈ నాటకరంగం లో అనేక పాత్రలు పోషించాను
అనేక భావాలు పలికించాను
ఆడాను, పాడాను, ఏడ్చాను, నవ్వాను
ఎన్నేన్నో ఇంకా ఎన్నెన్నో చేసినా
నీకై వెతుకులాడుతూనే ఉన్నాను
తెర మూసినప్పుడు, తీసినప్పుడు
బతుక్కీ బతుక్కీ మధ్య
అనుభవానికి, అనుభూతికి మధ్య
నువ్వెక్కడైనా కనిపిస్తావేమోని
నీకై వెతుకులాడుతూనే ఉన్నాను
నువ్వొచ్చావు....
అంతులేని ఈ పాత్రలలో ఒక పాత్రధారిలా.....
నా కళ్ళకి మాయకాటుక పెట్టావు
ఆడావు , పాడావు , మురిపించావు
అందర్నీ మరపించావు.
నీవెవరో తెలుసుకునే లోపునే
నను వీడి
మాయమయ్యావు.