కడలి ఒడిలో

కడలి ఒడిలో
విరిసిన ఒక అల

నీ పలకరింపుకు పులకరించింది
అందుకేనేమో పరవళ్ళతో పరుగునవస్తోంది

నీ అడుగుల్ని దాచుకుంది

అందుకేనేమో తరంగాలతో తాండవమాడుతోంది

నీ నవ్వుల్ని కలుపుకుంది

అందుకేనేమో అలలఒరవడిలో ఎన్నెన్నో సవ్వడులు

నీ హృదయాన్ని తాకింది

అందుకేనేమో సంబరంతో అంబరాన్నంటుతోంది

తనని వీడి జారిపోయే క్షణంతో పాటు
నిను వీడి తాను మరలితీరాలని

కాలాంబుధిలో తలదించి కరిగితీరాలని
పాపం తనకేం తెలుసు