వేచిన రాధ ...

వేచిన రాధ వెతుకులాడుతోంది

నీ కన్నుల్లో దాగిన తన బింబానికై

వేచిన రాధ మది తపన పడుతోంది

నీ హృదయంలో దాగిన తన హృదికై

వేచిన రాధ కంటి ధార జాలువారుతోంది

నీ పదములతాకి ఆరాధన అవ్వాలని

వేచిన రాధ అడుగు తడబడుతోంది

నీ పిలుపు వేళగాని వేళ తాకుతోంటే

వేచిన రాధ తాపముతో
రాధా రాధా అని పలవరిస్తోంది

అవును రాధా రాధా అనే పలవరిస్తోంది

పరవశిస్తోంది

ఎందుకంటే

నీ గుండె చప్పుడే తనకి వేదమంత్రం కాబట్టి....

అయినా తను వేచింది
తిరిగిరాని
నీకోసం కాదు
తనకోసమే

నీ పిలుపులో పలికే తన కోసం

నీ ఆత్మలో కరిగే తనకోసం

నీ శ్వాసలో ఊగే తనకోసం

నీ కన్నుల్లో నిల్చిన తనకోసం

నీ ప్రేమమందిరంలో నీవే

తానై తానే నీవైన తనకోసం  .....

వేచిన రాధ .....