ఆ నేను నీవు

నిదురించే రాతిరి నేనైతే

ఉదయించే వేకువ నీవు

వికసించే వెన్నెలనేనైతే

వెలుగిచ్చే ఉదయం నీవు

మలుపెరగని తటాకం నేనైతే

అలుపెరగని తరంగమాల నీవు

కదిలించే కన్నీరు నేనైతే

కదలని హిమశిఖరం నీవు

సుడి తిరిగే  వేదన నేనైతే

క్షణమాగని విహంగం నీవు

మేలుకున్న శిశిరం నేనైతే

నిదురించని వసంతం నీవు

కరగాలన్న ఆశ నేనైతే

విడిపొయే మేఘం నీవు

 

ఎదురుచూపుల వర్షం నేనైతే

ఎదుటపడని కలయిక నీవు

మాట దాచిన మనసు నేనైతే

మాట దాటిన మనసు నీవు

నేనెవరో తెలీని అన్వేషణ నేనైతే

నేనన్నడు కాచలేని ఆ నేను నీవు